Friðhelgi Bankamanna

Vangaveltur dagsins hjá mér hafa snúist svolítið um þessa fjármálakreppu sem við stöndum nú í hér um svo til allan heim. Ef að ég, óbreyttur borgari, eyði langt um efni fram og skuldset mig svo gríðarlega að það er mér fræðilega ókleift að greiða upp mínar skuldir eða fjármagna þær á einhvern hátt, löglegan hátt, þá má ég eiga von á að vera lýstur gjaldþrota, jafnvel ævilangt. Að maður tali nú ekki um ef að grunur leikur á um að ég hafi viðhaft eitthvert ólöglegt athæfi. Það væri rannsakað til þaula og ég látinn gjalda þeirra glæpa sem ég kann að hafa framið.... með fangelsisdómum.

Nú er raunveruleikinn sá að forsvarsmenn íslenskra banka hafa gert nákvæmlega það, og meira til. Þeir hafa ekki einungis eytt svo miklum fjármunum að þeir sjálfir geta ekki staðið undir því heldur standa málin þannig að heil þjóð gæti átt von á að vinna sleitulaust að því í yfir 20-25 ár til að komast nálægt því að greiða fyrir fordæmalausa eyðslusemi og fjármáladólgslæti fárra einstaklinga. Fréttir um óleysanleg viðskiptavensl og krossfjárfestingar og hvern djöfulinn sem þeir hafa kallað þetta allt saman, og allt til að fela slóðina, gera fyrirtæki verðmeira en það í raun er.
Hversvegna er ekki hægt að draga þessa menn til saka? Hvers vegna valsa þeir svo til áhyggjulausir um stræti þeirra landa sem þeir hafa flúið til? Ég hef heyrt útundan mér umræður um að frysta eigur þessara manna, rannsaka leynireikninga í skattaparadísum en ég er bara ekki svo viss um að það sé keyrt í gegn af fullu afli, né muni nokkurn tíman verða. Fræðimenn hafa orð á því að það sé ómögulegt að frysta eignir þessara manna.

Veldi bankans í nútímaþjóðfélagi er orðið svo mikið að ekki einungis hafa þeir færi á að stjórna fyrirtækjum, pólitík (fjármagnið ræður, það er bara þannig) heldur eru þeir svo til friðhelgir frá lögum. Þeir geta tekið áhættur hægri vinstri og leikið sér að peningum heillar þjóðar og meira til án þess að það muni bíta þá í rassinn. Svona menn eiga að vera lýstir gjaldþrota til æviloka og ég efast ekki um að nokkur ár í steininum séu réttlætanleg.

En einhverntíman var hrópað að réttlætið sigraði að lokum (eða var það ástin?). Þannig að ég krosslegg fingur og vona hið besta!

kv. Þór (væri til í fjármála- og lagalegt friðhelgi) Ólafs


« Síðasta færsla | Næsta færsla »

Athugasemdir

1 identicon

Sammála þér.  Það eru ekki mörg ár  síðan ég þurfti að skrifa upp á 100.000 kr. heimild fyrir dóttur mína sem var að fara í útskriftarferð að loknu háskólanámi til Thaílands.  Til vonar og vara þurfti hún þessa heimild og til þess að það fengist þá þurfti ég að skrifa uppá fyrir hana þar sem það var hægt að ganga að fasteign ef hún stæði ekki í skilum.  Þetta var 100.000 kr. heimild í mánuð. 

Það er ekki fyrir venjulegt fólk að skilja þetta.  Svo er hægt að veita tug milljarða lán, ef ekki hundruð, með veði í bréfum?  Verðlausum bréfum.  ?????????????????  

Heiðrún Gunnarsdóttir (IP-tala skráð) 31.1.2009 kl. 01:51

2 Smámynd: Þór Ólafsson

að maður tali ekki um leynifélög og verslun með kennitölur!

hvaða ár útskrifaðist hún aftur ?

Þór Ólafsson, 1.2.2009 kl. 15:20

3 identicon

Aha

Stubban (IP-tala skráð) 3.2.2009 kl. 01:37

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband